Spitch bringt FAQs usem Internet i z'Telefon
Der Spracherkennigsdienscht Spitch lanciert ä neui Telefonlösig. Wär nid mah im Internet nach Antworte uf hüfigi Frage sueche, cha das itz telefonisch erledige. Und ja: z'System söu o mit Schwizer Dialäkte z'Schlag cho.
"Cha mä bi euch nöime mit Kreditcharte zahle?" "Wie chani mini koufte Sache umtuusche?" Antworte uf serigi Frage fingt mä bi viune Ungernähme uf der Website – meischtens im Beriich "Frequently Asked Questions" (FAQ). Aber nid aui Chunde göh dert immer ga nacheläse, sondern lüte lieber am Chundedienscht ah.
Für die Chunde het der Spracherkennigsdienscht Spitch itz ä neui Lösig: Z'Ungernähme verlageret aui FAQs vor Website i ne Telefoncomputer, heissts ihre Mitteilig. U dä Telefoncomputer beantwortet när geduldig d'Frage vo dä Chunde, wo ihm alüte. Der Computer verstöng natürlech gsprochni Sätz, schribt Spitch; und: Z'System verstöng nid nur Hochdütsch, sondern ou "alle Schweizer Dialekte sowie auf Wunsch viele weitere Sprachen".
Spitch lanciert scho sit längerem geng ume Spracherkennigs-Lösige, wo ou mit Dialäkte söue z'Schlag cho. Ersch vor paar Monet het z'Ungernähme zum Bispiu amne Spitauroboter Schwizerdütsch biibracht.
Update: OpenAIs ausser Kontrolle geratene KI-Agenten ziehen weitere Kreise
Sunrise steigt ins Geschäft mit Smartbrillen ein
Datenschutz und Kosten verlagern KI-Rechenleistung auf Endgeräte
Schweizer Arbeitnehmende nutzen KI häufig - profitieren aber wenig davon
Update: Auch Nationalrat gibt grünes Licht für Digitalisierungsartikel in der Verfassung
Schweizer Microsoft-Kunden geraten vergleichsweise häufig ins Visier von Cyberkriminellen
BACS sensibilisiert für Risiken von zu viel Offenheit im Netz
Waschbär auf Schneeflockenfang
Cyberkriminelle ködern mit vergünstigten Freizeitpark-Tickets
